husn-e-sada ka war aankhen hain

husn-e-sāda kā vaar āñkheñ haiñ

bin tire be-qarār āñkheñ haiñ

merī jānib hai jo tirā chehra

merī jānib hazār āñkheñ haiñ

aib terā kahāñ chhupegā ab

shahr meñ be-shumār āñkheñ haiñ

maiñ ne tarz-e-vafā thā apnāyā

is liye ashk-bār āñkheñ haiñ

pārsā.ī kahāñ ga.ī bolo

aaj kyoñ dāġh-dār āñkheñ haiñ

ek naqsha thā ḳhvāb kā khīñchā

is liye taar taar āñkheñ haiñ

jaise in meñ sahāb rahte hoñ

kitnī zār-o-qatār āñkheñ haiñ

jin kī ta.abīr meñ mile vahshat

aise ḳhvāboñ pe baar āñkheñ haiñ

vo jo chehra hī paḌh nahīñ saktīñ

kitnī jāhil gañvār āñkheñ haiñ

vo nazar ār-pār hotī hai

haa.e kyā dil-figār āñkheñ haiñ

ḳhvāb dekhā 'rabāb' ne kyūñkar

is liye sū-e-dār āñḳheñ haiñ

husn-e-sada ka war aankhen hain

bin tere be-qarar aankhen hain

meri jaanib hai jo tera chehra

meri jaanib hazar aankhen hain

aib tera kahan chhupega ab

shahr mein be-shumar aankhen hain

main ne tarz-e-wafa tha apnaya

is liye ashk-bar aankhen hain

parsai kahan gai bolo

aaj kyon dagh-dar aankhen hain

ek naqsha tha KHwab ka khincha

is liye tar tar aankhen hain

jaise in mein sahab rahte hon

kitni zar-o-qatar aankhen hain

jin ki tabir mein mile wahshat

aise KHwabon pe bar aankhen hain

wo jo chehra hi paDh nahin saktin

kitni jahil ganwar aankhen hain

wo nazar aar-par hoti hai

hae kya dil-figar aankhen hain

KHwab dekha 'rabab' ne kyunkar

is liye su-e-dar aanKHen hain