husn-e-shah-e-laulak jo chamka shab-e-mearaj

husn-e-shah-e-laulāk jo chamkā shab-e-me.arāj

jalvoñ se nabī sub.h-e-tajallī shab-e-me.arāj

kyā ḳhuub jamā vasl kā naqsha shab-e-me.arāj

matlūb nayā tālib-e-shaidā shab-e-me.arāj

paayā na taqarrub kisī maḳhlūq ne aisā

jaisā ki milā shaah ko rutba shab-e-me.arāj

tālib thā ḳhudā banda-e-mahbūb kā apne

mehmān-e-ḳhudā nūr-e-ḳhudā thā shab-e-me.arāj

ganjīna-e-rahmat se habīb-e-azalī ko

kyā kyā nahīñ allāh ne baḳhshā shab-e-me.arāj

tā-der rahī tālib-o-mtlūb meñ qurbat

dil bhar ke maza vasl kā luuTā shab-e-me.arāj

kānoñ ne sunā jo kabhī kānoñ na sunā thā

āñkhoñ ne na dekhā thā jo dekhā shab-e-me.arāj

aalam ko kiyā mast mai-e-husn-e-azal ne

be-kār rahā sāġhar-o-mīnā shab-e-me.arāj

nālain mubārak kā huā faḳhr jo hāsil

bas jhuum gayā arsh-e-mua.allā shab-e-me.arāj

allāh kā dīdār mohammad kī shafā.at

'mā.il' ko milī hashr ke din yā shab-e-me.arāj

husn-e-shah-e-laulak jo chamka shab-e-mearaj

jalwon se nabi subh-e-tajalli shab-e-mearaj

kya KHub jama wasl ka naqsha shab-e-mearaj

matlub naya talib-e-shaida shab-e-mearaj

paya na taqarrub kisi maKHluq ne aisa

jaisa ki mila shah ko rutba shab-e-mearaj

talib tha KHuda banda-e-mahbub ka apne

mehman-e-KHuda nur-e-KHuda tha shab-e-mearaj

ganjina-e-rahmat se habib-e-azali ko

kya kya nahin allah ne baKHsha shab-e-mearaj

ta-der rahi talib-o-mtlub mein qurbat

dil bhar ke maza wasl ka luTa shab-e-mearaj

kanon ne suna jo kabhi kanon na suna tha

aankhon ne na dekha tha jo dekha shab-e-mearaj

aalam ko kiya mast mai-e-husn-e-azal ne

be-kar raha saghar-o-mina shab-e-mearaj

nalain mubarak ka hua faKHr jo hasil

bas jhum gaya arsh-e-mualla shab-e-mearaj

allah ka didar mohammad ki shafaat

'mail' ko mili hashr ke din ya shab-e-mearaj