husn-e-surat mein garche bud nahin

husn-e-sūrat meñ garche buud nahīñ

par kahāñ ishq kī numūd nahīñ

nīstī jalva-gar hai hastī meñ

kuchh adam kā mire vajūd nahīñ

ham ne avval se dekhā āḳhir tak

zaat haq kī nabūd-o-būd nahīñ

tere husn-e-malīh ke qurbān

kis ke vird-e-zabāñ durūd nahīñ

mere saaqī ke pesh sāġhar-e-chashm

shīshe ko kab sar-e-sujūd nahīñ

dāġh-e-sozāñ hai jism meñ vo uzv

sañg-e-āfat se jo kabūd nahīñ

baaġh hai daaġh gar na ho laala

bazm vo kyā hai jis meñ uud nahīñ

bas-ki hai kund nāḳhun-e-mizhgāñ

uqda-e-ashk kī kushūd nahīñ

ham jo kahte the tum se roz 'vaqār'

juz zarar āshiqī meñ suud nahīñ

husn-e-surat mein garche bud nahin

par kahan ishq ki numud nahin

nisti jalwa-gar hai hasti mein

kuchh adam ka mere wajud nahin

hum ne awwal se dekha aaKHir tak

zat haq ki nabud-o-bud nahin

tere husn-e-malih ke qurban

kis ke wird-e-zaban durud nahin

mere saqi ke pesh saghar-e-chashm

shishe ko kab sar-e-sujud nahin

dagh-e-sozan hai jism mein wo uzw

sang-e-afat se jo kabud nahin

bagh hai dagh gar na ho lala

bazm wo kya hai jis mein ud nahin

bas-ki hai kund naKHun-e-mizhgan

uqda-e-ashk ki kushud nahin

hum jo kahte the tum se roz 'waqar'

juz zarar aashiqi mein sud nahin