husn-e-tadbir ka moajiza dekhiye

husn-e-tadbīr kā mo.ajiza dekhiye

kaam himmat se le kar zarā dekhiye

aap aur ham se iz.hār-e-lutf-o-karam

aa.ina dekhiye aa.inā dekhiye

āshiyāne kī buniyād rakkhegā phir

pahle bāġh-e-jahāñ kī havā dekhiye

aag se khelne ko patañgā baḌhā

haisiyat dekhiye hauslā dekhiye

jab kahā hai to jalva dikhā.eñge vo

saañs jab tak chale rāsta dekhiye

kuchh idhar bhī haiñ ummīd-vār-e-karam

mehrbāñ is taraf bhī zarā dekhiye

jurm-e-zikr-e-vafā par vo kahne lagā

jā ke anjām-e-ahl-e-vafā dekhiye

husn-e-tadbir ka moajiza dekhiye

kaam himmat se le kar zara dekhiye

aap aur hum se izhaar-e-lutf-o-karam

aaina dekhiye aaina dekhiye

aashiyane ki buniyaad rakkhega phir

pahle bagh-e-jahan ki hawa dekhiye

aag se khelne ko patanga baDha

haisiyat dekhiye hausla dekhiye

jab kaha hai to jalwa dikhaenge wo

sans jab tak chale rasta dekhiye

kuchh idhar bhi hain ummid-war-e-karam

mehrban is taraf bhi zara dekhiye

jurm-e-zikr-e-wafa par wo kahne laga

ja ke anjam-e-ahl-e-wafa dekhiye