حسن جتنا ہی سادہ ہوتا ہے
حسن جتنا ہی سادہ ہوتا ہے
گیسوئے ناکشادہ ہوتا ہے
جب کبھی شغل بادہ ہوتا ہے
ایک عالم زیادہ ہوتا ہے
جب وہ آتے ہیں زندگی کے قریب
دل بھی دور اوفتادہ ہوتا ہے
کیا خبر یہ فشردۂ انگور
کتنا خوں ہو کے بادہ ہوتا ہے
ان کا جلوہ نہ دور ہے نہ قریب
نور ہے کم زیادہ ہوتا ہے
حسن ہوتا ہے سادہ و رنگیں
عشق رنگین و سادہ ہوتا ہے
گنگناتا ہوں فرصتوں میں نشورؔ
شعر تنہائی زادہ ہوتا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
