husn kā dekh har taraf gulzār
andalībāñ hue haiñ dil-afgār
ishq kī mai suuñ jo huā sarmast
dil huā us kā ḳhāna-e-ḳhummār
yaar aayā hai jab muālij ho
dard-e-furqat meñ nahiñ rahā bīmār
aap āshiq hai husn par apne
hai mire jaan kā ajab asrār
kahīñ āshiq kahīñ huā dilbar
kahīñ ma.ashūq kiiñ huā dildār
kiiñ huā shams kiiñ huā hai qamar
kiiñ huā nuur kiiñ huā hai naar
kiiñ huā arz kiiñ huā hai falak
kiiñ huā bahar kiiñ huā ashjār
kiiñ huā ins kiiñ huā hai malak
kiiñ huā diid kiiñ huā dīdār
kiiñ payambar kahīñ huā hai valī
kiiñ huā shaiḳh kiiñ huā zunnār
kiiñ hai qaazī kahīñ huā muftī
kiiñ huā mast kiiñ huā abrār
kiiñ huā jaan kiiñ huā jānāñ
sab meñ hai aur kahīñ sabhoñ se paar
haq meñ haq ho sadā anal-haq bol
dekh mansūr kyuuñ chaḌhā hai daar
ik-panā zaat kā 'alīmullāh'
shar.a bin ġhair kuchh na kar takrār
husn ka dekh har taraf gulzar
andaliban hue hain dil-afgar
ishq ki mai sun jo hua sarmast
dil hua us ka KHana-e-KHummar
yar aaya hai jab mualij ho
dard-e-furqat mein nahin raha bimar
aap aashiq hai husn par apne
hai mere jaan ka ajab asrar
kahin aashiq kahin hua dilbar
kahin mashuq kin hua dildar
kin hua shams kin hua hai qamar
kin hua nur kin hua hai nar
kin hua arz kin hua hai falak
kin hua bahar kin hua ashjar
kin hua ins kin hua hai malak
kin hua did kin hua didar
kin payambar kahin hua hai wali
kin hua shaiKH kin hua zunnar
kin hai qazi kahin hua mufti
kin hua mast kin hua abrar
kin hua jaan kin hua jaanan
sab mein hai aur kahin sabhon se par
haq mein haq ho sada anal-haq bol
dekh mansur kyun chaDha hai dar
ik-pana zat ka 'alimullah'
shara bin ghair kuchh na kar takrar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
