husn ke dil mein jagah pate hi diwana bane

husn ke dil meñ jagah paate hī dīvāna bane

ham abhī raaz bane hī the ki afsāna bane

kah diyā hai ki milo ham se to yaksū ho kar

ab nibhe yā na nibhe un se bane yā na bane

aaj vo bazm meñ ḳhud sham.a bane baiThe haiñ

hai koī mudda.ī-e-soz jo parvāna bane

dil-e-āzurda hai labrez-e-hadīs-e-ġham-e-ishq

maiñ agar chāhūñ to har saañs ik afsāna bane

kitne dīvāne mohabbat meñ miTe haiñ 'sīmāb'

jamā kī jaa.e jo ḳhaak un kī to vīrāna bane

husn ke dil mein jagah pate hi diwana bane

hum abhi raaz bane hi the ki afsana bane

kah diya hai ki milo hum se to yaksu ho kar

ab nibhe ya na nibhe un se bane ya na bane

aaj wo bazm mein KHud shama bane baiThe hain

hai koi muddai-e-soz jo parwana bane

dil-e-azurda hai labrez-e-hadis-e-gham-e-ishq

main agar chahun to har sans ek afsana bane

kitne diwane mohabbat mein miTe hain 'simab'

jama ki jae jo KHak un ki to virana bane