baiThe hain bhigi zulf pareshan kiye hue

baiThe haiñ bhīgī zulf pareshāñ kiye hue

kāfir adā-e-husn ko uryāñ kiye hue

dil kuchh mohabbatoñ se gurezāñ kiye hue

baiThā huuñ kuchh ḳhayāl pareshāñ kiye hue

āñkhoñ meñ ik latīf sī mastī bharī huī

nazroñ ko ham-kanār-e-gulistāñ kiye hue

aa mai-kade meñ ban ke bahār-e-havā-e-sub.h

chal de har ek jaam ko raqsāñ kiye hue

muusā batā rahā huuñ yahīñ jalva-gāh-e-tūr

nazroñ ko sirf jalva-e-pinhāñ kiye hue

aalam dikhā rahe haiñ ajab nūr-o-nār kā

jalvoñ ko husn-o-ishq ke yak-jāñ kiye hue

baiThe hain bhigi zulf pareshan kiye hue

kafir ada-e-husn ko uryan kiye hue

dil kuchh mohabbaton se gurezan kiye hue

baiTha hun kuchh KHayal pareshan kiye hue

aankhon mein ek latif si masti bhari hui

nazron ko ham-kanar-e-gulistan kiye hue

aa mai-kade mein ban ke bahaar-e-hawa-e-subh

chal de har ek jam ko raqsan kiye hue

musa bata raha hun yahin jalwa-gah-e-tur

nazron ko sirf jalwa-e-pinhan kiye hue

aalam dikha rahe hain ajab nur-o-nar ka

jalwon ko husn-o-ishq ke yak-jaan kiye hue