sair-e-duniya se gharaz thi mahw-e-duniya kar diya

sair-e-duniyā se ġharaz thī mahv-e-duniyā kar diyā

maiñ ne kyā chāhā mire allāh ne kyā kar diyā

rokne vaalā na thā koī ḳhudā ko is liye

jo kuchh aayā us ke jī meñ be-muhābā kar diyā

haañ isī kam-baḳht dil ne kar diyā ifshā-e-rāz

haañ isī kam-baḳht dil ne mujh ko rusvā kar diyā

ishq jā in terī bātoñ meñ nahīñ aane ke ham

achchhe achchhoñ ko jahāñ meñ tū ne rusvā kar diyā

zindagī baiThī thī apne husn par bhūlī huī

maut ne aate hī saarā rañg phīkā kar diyā

husn ne pahle to sab mujh par haqīqat khol dī

aur phir ḳhāmosh rahne kā ishārā kar diyā

husn ko pahnā chuke jab ḳhud-numā.ī kā libās

ishq ne sar piiT kar pūchhā ki ye kyā kar diyā

sair-e-duniya se gharaz thi mahw-e-duniya kar diya

main ne kya chaha mere allah ne kya kar diya

rokne wala na tha koi KHuda ko is liye

jo kuchh aaya us ke ji mein be-muhaba kar diya

han isi kam-baKHt dil ne kar diya ifsha-e-raaz

han isi kam-baKHt dil ne mujh ko ruswa kar diya

ishq ja in teri baaton mein nahin aane ke hum

achchhe achchhon ko jahan mein tu ne ruswa kar diya

zindagi baiThi thi apne husn par bhuli hui

maut ne aate hi sara rang phika kar diya

husn ne pahle to sab mujh par haqiqat khol di

aur phir KHamosh rahne ka ishaara kar diya

husn ko pahna chuke jab KHud-numai ka libas

ishq ne sar piT kar puchha ki ye kya kar diya