husn walon mein sada KHu-e-jafa pai gai

husn vāloñ meñ sadā ḳhū-e-jafā paa.ī ga.ī

nāznīnoñ meñ magar ḳhū-e-adā paa.ī ga.ī

ho ga.ī chāragarī chāragaroñ kī be-asar

haañ faqīroñ kī zabānoñ par duā paa.ī ga.ī

rāh-e-haq meñ jaan jo hañs kar fidā apnī kareñ

un shahīdoñ hī meñ to ḳhū-e-vafā paa.ī ga.ī

hotī hai har ek dil meñ yuuñ to jiine kī taḌap

naujavānoñ meñ magar ye ḳhū sivā paa.ī ga.ī

husn terā ho gayā hai baḌh ke husn-e-yūsufī

āñkhoñ meñ jab bhī tirī sharm-o-hayā paa.ī ga.ī

nek kāmoñ kā sila miltā hai uqbā meñ magar

nek kāmoñ kī yahāñ bhī to jazā paa.ī ga.ī

ishq vāloñ kā haqīqat meñ hai ik apnā vaqār

husn vāloñ meñ bhī 'kundan' ḳhaas adā paa.ī ga.ī

husn walon mein sada KHu-e-jafa pai gai

nazninon mein magar KHu-e-ada pai gai

ho gai chaaragari chaaragaron ki be-asar

han faqiron ki zabanon par dua pai gai

rah-e-haq mein jaan jo hans kar fida apni karen

un shahidon hi mein to KHu-e-wafa pai gai

hoti hai har ek dil mein yun to jine ki taDap

naujawanon mein magar ye KHu siwa pai gai

husn tera ho gaya hai baDh ke husn-e-yusufi

aankhon mein jab bhi teri sharm-o-haya pai gai

nek kaamon ka sila milta hai uqba mein magar

nek kaamon ki yahan bhi to jaza pai gai

ishq walon ka haqiqat mein hai ek apna waqar

husn walon mein bhi 'kundan' KHas ada pai gai