ibarat is mein har ek be-naqab meri hai

ibārat is meñ har ik be-naqāb merī hai

likhā hai naam tumhārā kitāb merī hai

gulāb toḌ ke zīnat banā lo dāman kī

na khaao ḳhauf ye shāḳh-e-gulāb merī hai

ye mai-kada ye hasīñ jaam go tumhāre haiñ

jo pī rahe ho maze se sharāb merī hai

bhaTak na jaa.e kahīñ asp-e-ishq rāhoñ se

duā laboñ pe tire ham-rikāb merī hai

vo TuuT kar nahīñ girte zamīn par na sahī

sitāre charḳh ke haiñ āb-o-tāb merī hai

maiñ harf harf meñ us ke basā huuñ dhaḌkan sā

koī bhī kah le ḳhushī se kitāb merī hai

ibarat is mein har ek be-naqab meri hai

likha hai nam tumhaara kitab meri hai

gulab toD ke zinat bana lo daman ki

na khao KHauf ye shaKH-e-gulab meri hai

ye mai-kada ye hasin jam go tumhaare hain

jo pi rahe ho maze se sharab meri hai

bhaTak na jae kahin asp-e-ishq rahon se

dua labon pe tere ham-rikab meri hai

wo TuT kar nahin girte zamin par na sahi

sitare charKH ke hain aab-o-tab meri hai

main harf harf mein us ke basa hun dhaDkan sa

koi bhi kah le KHushi se kitab meri hai