ibtida se hum zaif o na-tawan paida hue

ibtidā se ham za.iif o nā-tavāñ paidā hue

uḌ gayā jab rañg ruḳh se ustuḳhvāñ paidā hue

ḳhāksārī ne dikhā.īñ rif.atoñ par rif.ateñ

is zamīñ se vaah kyā kyā āsmāñ paidā hue

ilm ḳhāliq kā ḳhazāna hai miyān-e-kāf-o-nūn

ek kun kahne se ye kaun-o-makāñ paidā hue

zabt dekho sab kī sun lī aur kuchh apnī kahī

is zabāñ-dānī par aise be-zabāñ paidā hue

shor-baḳhtī aa.ī hisse meñ unhīñ ke vā nasīb

talḳh-kāmī ke liye shīrīñ-zabāñ paidā hue

ehtiyāt-e-jism kyā anjām ko socho 'anīs'

ḳhaak hone ko ye musht-e-ustuḳhvāñ paidā hue

ibtida se hum zaif o na-tawan paida hue

uD gaya jab rang ruKH se ustuKHwan paida hue

KHaksari ne dikhain rifaton par rifaten

is zamin se wah kya kya aasman paida hue

ilm KHaliq ka KHazana hai miyan-e-kaf-o-nun

ek kun kahne se ye kaun-o-makan paida hue

zabt dekho sab ki sun li aur kuchh apni kahi

is zaban-dani par aise be-zaban paida hue

shor-baKHti aai hisse mein unhin ke wa nasib

talKH-kaami ke liye shirin-zaban paida hue

ehtiyat-e-jism kya anjam ko socho 'anis'

KHak hone ko ye musht-e-ustuKHwan paida hue