iman ki laghzish ka imkan are tauba

īmān kī laġhzish kā imkān are tauba

bad-chalnī meñ zāhid kā chālān are tauba

uTh kar tirī chaukhaT se ham aur chale jaa.eñ

england are tauba jāpān are tauba

hai god ke pāloñ se ab ḳhauf-e-daġhā-bāzī

ye apne hī bhāñjoñ par bohtān are tauba

insānoñ ko din din bhar ab khānā nahīñ miltā

muddat se farokash haiñ ramzān are tauba

lillāh ḳhabar liije ab qalb-e-shikasta kī

girtā hai mohabbat kā dālān are tauba

dāmān-e-taqaddus par dāġhoñ kī farāvānī

ik maulvī ke ghar meñ shaitān are tauba

ab ḳhairiyateñ sar karī ma.alūm nahīñ hotīñ

gañjoñ ko hai nāḳhun kā armān are tauba

mashriq pe bhī nazreñ haiñ maġhrib pe bhī nazreñ haiñ

zālim ke taḳhayyul kī lambān are tauba

ai 'shauq' na kuchh kahiye hālat dil-e-muztar kī

hotā hai masīhā ko ḳhafqān are tauba

iman ki laghzish ka imkan are tauba

bad-chalni mein zahid ka chaalan are tauba

uTh kar teri chaukhaT se hum aur chale jaen

england are tauba japan are tauba

hai god ke palon se ab KHauf-e-dagha-bazi

ye apne hi bhanjon par bohtan are tauba

insanon ko din din bhar ab khana nahin milta

muddat se farokash hain ramzan are tauba

lillah KHabar lije ab qalb-e-shikasta ki

girta hai mohabbat ka dalan are tauba

daman-e-taqaddus par daghon ki farawani

ek maulwi ke ghar mein shaitan are tauba

ab KHairiyaten sar kari malum nahin hotin

ganjon ko hai naKHun ka arman are tauba

mashriq pe bhi nazren hain maghrib pe bhi nazren hain

zalim ke taKHayyul ki lamban are tauba

ai 'shauq' na kuchh kahiye haalat dil-e-muztar ki

hota hai masiha ko KHafqan are tauba