ijazat ho to main sharh-e-hayat-e-raegan kar lun

ijāzat ho to maiñ sharh-e-hayāt-e-rā.egāñ kar luuñ

zabāñ ko dil banā luuñ aur nazar ko dāstāñ kar luuñ

ġham-e-dil ke ujāle meñ murattab dāstāñ kar luuñ

vafā kī aaḌ le kar aap kah deñ to fuġhāñ kar luuñ

munāsib ho to ab tāroñ kī sham'eñ aap gul kar deñ

bahut mumkin hai shāyad maiñ inheñ bhī rāz-dāñ kar luuñ

mirā ‘azm-o-yaqīñ bhārī rahā hai har zamāne par

maiñ ab bhī zid pe aa jā.ūñ to hāsil do-jahāñ kar luuñ

irāda kar chukā huuñ to chalā hī jā.uñgā lekin

zarā kuchh aur 'bāsit' intizār-e-kārvāñ kar luuñ

ijazat ho to main sharh-e-hayat-e-raegan kar lun

zaban ko dil bana lun aur nazar ko dastan kar lun

gham-e-dil ke ujale mein murattab dastan kar lun

wafa ki aaD le kar aap kah den to fughan kar lun

munasib ho to ab taron ki sham'en aap gul kar den

bahut mumkin hai shayad main inhen bhi raaz-dan kar lun

mera ‘azm-o-yaqin bhaari raha hai har zamane par

main ab bhi zid pe aa jaun to hasil do-jahan kar lun

irada kar chuka hun to chala hi jaunga lekin

zara kuchh aur 'basit' intizar-e-karwan kar lun