اک بار پھر سے لے کے چلو اس گلی مجھے

اک بار پھر سے لے کے چلو اس گلی مجھے

بس اس لئے ہی کرنی پڑی خود کشی مجھے

پنچھی کو قید کرنا نہیں چاہیئے کبھی

یہ بات اک بزرگ کی اچھی لگی مجھے

سب کا یہی مزاج ہے کچھ بھی نیا نہیں

تو کیا ہوا جو کر دیا اس نے دکھی مجھے

بدلا جو وقت میرا تو بھائی بدل گئے

یہ بات سب کے سامنے کہنی پڑی مجھے

گھر سے بہت میں دور ہوں کاندھے پہ بوجھ ہے

تنہا ہی پھر سے عید منانی پڑی مجھے

دلہن بنا کے اس کو میں کر دوں گا اب سپرد

ہر حال میں قبول ہے اس کی خوشی مجھے