ek danish-e-nurani ek danish-e-burhani
Interesting Fact
Baal-e-Gibril
ik dānish-e-nūrānī ik dānish-e-burhānī
hai dānish-e-burhānī hairat kī farāvānī
is paikar-e-ḳhākī meñ ik shai hai so vo terī
mere liye mushkil hai is shai kī nigahbānī
ab kyā jo fuġhāñ merī pahuñchī hai sitāroñ tak
tū ne hī sikhā.ī thī mujh ko ye ġhazal-ḳhvānī
ho naqsh agar bātil takrār se kyā hāsil
kyā tujh ko ḳhush aatī hai aadam kī ye arzānī
mujh ko to sikhā dī hai afrañg ne zindīqī
is daur ke mullā haiñ kyuuñ nañg-e-musalmānī
taqdīr shikan quvvat baaqī hai abhī is meñ
nādāñ jise kahte haiñ taqdīr kā zindānī
tere bhī sanam-ḳhāne mere bhī sanam-ḳhāne
donoñ ke sanam ḳhākī donoñ ke sanam faanī
ek danish-e-nurani ek danish-e-burhani
hai danish-e-burhani hairat ki farawani
is paikar-e-KHaki mein ek shai hai so wo teri
mere liye mushkil hai is shai ki nigahbani
ab kya jo fughan meri pahunchi hai sitaron tak
tu ne hi sikhai thi mujh ko ye ghazal-KHwani
ho naqsh agar baatil takrar se kya hasil
kya tujh ko KHush aati hai aadam ki ye arzani
mujh ko to sikha di hai afrang ne zindiqi
is daur ke mulla hain kyun nang-e-musalmani
taqdir shikan quwwat baqi hai abhi is mein
nadan jise kahte hain taqdir ka zindani
tere bhi sanam-KHane mere bhi sanam-KHane
donon ke sanam KHaki donon ke sanam fani
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
