ek ek lafz ko bartun gar ehtimam se main

ik ek lafz ko bartūñ gar ehtimām se maiñ

maqām apnā banā saktā huuñ kalām se maiñ

vagarna us kī nazar mujh pe paḌ ga.ī hotī

ḳhudā kā shukr pukārā gayā na naam se maiñ

javāb meñ mujhe miltī hai raat kī kālak

savāl kartā huuñ jab bhī charāġh-e-shām se maiñ

isī liye to muqaddar pe naaz hai mujh ko

ki bādshāh banāyā gayā ġhulām se maiñ

lagā rahā huuñ sadā apne dil ke aivāñ meñ

bulā rahā huuñ tujhe kitne ehtirām se maiñ

vo aag mujh meñ bhaḌaktī hai jaañ taḌaktī hai

jo aag le gayā jalte hue ḳhiyām se maiñ

samajh rahā thā ki 'zahrāb' huuñ magar phir bhī

nikal sakā na mohabbat tumhāre daam se maiñ

ek ek lafz ko bartun gar ehtimam se main

maqam apna bana sakta hun kalam se main

wagarna us ki nazar mujh pe paD gai hoti

KHuda ka shukr pukara gaya na nam se main

jawab mein mujhe milti hai raat ki kalak

sawal karta hun jab bhi charagh-e-sham se main

isi liye to muqaddar pe naz hai mujh ko

ki baadshah banaya gaya ghulam se main

laga raha hun sada apne dil ke aiwan mein

bula raha hun tujhe kitne ehtiram se main

wo aag mujh mein bhaDakti hai jaan taDakti hai

jo aag le gaya jalte hue KHiyam se main

samajh raha tha ki 'zahrab' hun magar phir bhi

nikal saka na mohabbat tumhaare dam se main