ek husn-e-baryab se aage nahin baDhe

ik husn-e-bāryāb se aage nahīñ baḌhe

ya.anī ham ek ḳhvāb se aage nahīñ baḌhe

ik shahr-e-be-murād meñ kaaTī tamām umr

ik ḳhāna-e-ḳharāb se aage nahīñ baḌhe

tujh ko palaT ke dekhne ke dukh se bachnā thā

ham log is hisāb se aage nahīñ baḌhe

aage to baḌh ga.e haiñ tumhāre baġhair bhī

lekin ham āb-o-tāb se aage nahīñ baḌhe

ham ne use gulāb diyā aage baḌh ke 'rāz'

aur phir ham us gulāb se aage nahīñ baḌhe

ek husn-e-baryab se aage nahin baDhe

yani hum ek KHwab se aage nahin baDhe

ek shahr-e-be-murad mein kaTi tamam umr

ek KHana-e-KHarab se aage nahin baDhe

tujh ko palaT ke dekhne ke dukh se bachna tha

hum log is hisab se aage nahin baDhe

aage to baDh gae hain tumhaare baghair bhi

lekin hum aab-o-tab se aage nahin baDhe

hum ne use gulab diya aage baDh ke 'raaz'

aur phir hum us gulab se aage nahin baDhe