ek ima ek ishaara mar raha hai
ik iimā ik ishāra mar rahā hai
ufuq par dil ke taarā mar rahā hai
jo mere ba.ad sab paidā huā thā
vo mujh se pahle saarā mar rahā hai
jise thā phuul kar phaTaknā hī lāzim
sikuḌ kar vo ġhubāra mar rahā hai
ka.ī maujoñ ne dam toḌā thā jis par
sunā hai vo kinārā mar rahā hai
ḳhirad tahlīl sahrā kar rahī hai
junūñ kā isti.āra mar rahā hai
nazar kī maut ik taaza alamiya
aur itne meñ nazāra mar rahā hai
zamāñ-paimā yahī miqyās-e-dil thā
magar ab us kā paara mar rahā hai
mujhe zinda thī jis kī nā-gavārī
vo ab mujh ko gavārā mar rahā hai
kahāñ māñgī huī sāñseñ kahāñ dil
jilāyā thaa, dobāra mar rahā hai
ek ima ek ishaara mar raha hai
ufuq par dil ke tara mar raha hai
jo mere baad sab paida hua tha
wo mujh se pahle sara mar raha hai
jise tha phul kar phaTakna hi lazim
sikuD kar wo ghubara mar raha hai
kai maujon ne dam toDa tha jis par
suna hai wo kinara mar raha hai
KHirad tahlil sahra kar rahi hai
junun ka istiara mar raha hai
nazar ki maut ek taza alamiya
aur itne mein nazara mar raha hai
zaman-paima yahi miqyas-e-dil tha
magar ab us ka para mar raha hai
mujhe zinda thi jis ki na-gawari
wo ab mujh ko gawara mar raha hai
kahan mangi hui sansen kahan dil
jilaya tha, dobara mar raha hai
- Book : sargoshiyan zamanon ki (Pg. 129)
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
