ek ka ghunT samundar ek ka paikar pyas

ik kā ghūñT samundar ik kā paikar pyaas

paanī āb-e-hayāt aur sikandar pyaas

amrit-būñd āsmān se Tapkā paanī

garm tave par ek parinda-e-be-par pyaas

biich kī ek lakīr hī ab faisla kare

kis ke baazū paanī kis kī chādar pyaas

donoñ bahr-e-shola-e-zāt donoñ asīr-e-anā

dariyā ke lab par paanī dasht ke lab par pyaas

rañg-e-lahū se gulgūñ āb-e-nahr-e-furāt

ahd-e-vafā kā ā.īna ek samundar pyaas

shāyad ik ḳhanjar hī dil shādāb kare

vo ik tanhā pyāsā merī ghar bhar pyaas

'tūr' vahī hisār hai ġham-e-arzānī kā

bāhar kī samt naqsh hai jo ik patthar pyaas

ek ka ghunT samundar ek ka paikar pyas

pani aab-e-hayat aur sikandar pyas

amrit-bund aasman se Tapka pani

garm tawe par ek parinda-e-be-par pyas

bich ki ek lakir hi ab faisla kare

kis ke bazu pani kis ki chadar pyas

donon bahr-e-shola-e-zat donon asir-e-ana

dariya ke lab par pani dasht ke lab par pyas

rang-e-lahu se gulgun aab-e-nahr-e-furaat

ahd-e-wafa ka aaina ek samundar pyas

shayad ek KHanjar hi dil shadab kare

wo ek tanha pyasa meri ghar bhar pyas

'tur' wahi hisar hai gham-e-arzani ka

bahar ki samt naqsh hai jo ek patthar pyas