ek KHalq jo har samt se aai tere dar par

ik ḳhalq jo har samt se aa.ī tire dar par

aayā nazar-andāz ḳhudā.ī tire dar par

thī jis kī tamannā dil-e-mushtāq ko har dam

vo chiiz agar paa.ī to paa.ī tire dar par

ushshāq ke aage na laḌā ġhairoñ se āñkheñ

Dar hai ki na ho jaa.e laḌā.ī tire dar par

dekhī jo yahāñ aa ke jhaḌī abr-e-karam kī

sab dil kī lagī ham ne bujhā.ī tire dar par

is nafas hī kam-baḳht ne rokā thā 'sharaf' ko

dushvār na thī varna rasā.ī tire dar par

ek KHalq jo har samt se aai tere dar par

aaya nazar-andaz KHudai tere dar par

thi jis ki tamanna dil-e-mushtaq ko har dam

wo chiz agar pai to pai tere dar par

ushshaq ke aage na laDa ghairon se aankhen

Dar hai ki na ho jae laDai tere dar par

dekhi jo yahan aa ke jhaDi abr-e-karam ki

sab dil ki lagi hum ne bujhai tere dar par

is nafas hi kam-baKHt ne roka tha 'sharaf' ko

dushwar na thi warna rasai tere dar par