ek KHwab ko aankhen rehn rakhen ek shauq mein dil viran kiya

ik ḳhvāb ko āñkheñ rehn rakheñ ik shauq meñ dil vīrān kiyā

jiine kī tamannā meñ ham ne marne kā sabhī sāmān kiyā

ham ḳhaak uḌāte phirte haiñ is dasht-e-talab meñ phir ik din

iqlīm-e-junūñ us ne baḳhshī aur dil kā hameñ sultān kiyā

kyā kahiye karishma-sāz the kyā āġhāz-e-mohabbat ke vo din

jab ḳhud se bhī ham hairān hue us ne bhī bahut hairān kiyā

ab hijr kā mausam aa pahuñchā ham jaan ga.e the jab dil meñ

ik dard ne Derā Daal liyā ik dukh ne bayāñ imkān kiyā

ik umr se chup thā dil dariyā ik roz magar phir umaD paḌā

tan man sab jis meñ Duub ga.e har mauj ne vo tūfān kiyā

ek KHwab ko aankhen rehn rakhen ek shauq mein dil viran kiya

jine ki tamanna mein hum ne marne ka sabhi saman kiya

hum KHak uDate phirte hain is dasht-e-talab mein phir ek din

iqlim-e-junun us ne baKHshi aur dil ka hamein sultan kiya

kya kahiye karishma-saz the kya aaghaz-e-mohabbat ke wo din

jab KHud se bhi hum hairan hue us ne bhi bahut hairan kiya

ab hijr ka mausam aa pahuncha hum jaan gae the jab dil mein

ek dard ne Dera Dal liya ek dukh ne bayan imkan kiya

ek umr se chup tha dil dariya ek roz magar phir umaD paDa

tan man sab jis mein Dub gae har mauj ne wo tufan kiya