ek KHwab nind ka tha sabab, jo nahin raha

ik ḳhvāb niiñd kā thā sabab, jo nahīñ rahā

us kā qalaq hai aisā ki maiñ so nahīñ rahā

vo ho rahā hai jo maiñ nahīñ chāhtā ki ho

aur jo maiñ chāhtā huuñ vahī ho nahīñ rahā

nam diida huuñ, ki terī ḳhushī par huuñ ḳhush bahut

chal chhoḌ, tujh se kah jo diyā, ro nahīñ rahā

ye zaḳhm jis ko vaqt kā marham bhī kuchh nahīñ

ye dāġh, sail-e-girya jise dho nahīñ rahā

ab bhī hai rañj, rañj bhī ḳhāsā shadīd hai

vo dil ko chīrtā huā ġham go nahīñ rahā

ābād mujh meñ tere sivā aur kaun hai?

tujh se bichhaḌ rahā huuñ tujhe kho nahīñ rahā

kyā be-hisī kā daur hai logo ki ab ḳhayāl

apne sivā kisī kā kisī ko nahīñ rahā

ek KHwab nind ka tha sabab, jo nahin raha

us ka qalaq hai aisa ki main so nahin raha

wo ho raha hai jo main nahin chahta ki ho

aur jo main chahta hun wahi ho nahin raha

nam dida hun, ki teri KHushi par hun KHush bahut

chal chhoD, tujh se kah jo diya, ro nahin raha

ye zaKHm jis ko waqt ka marham bhi kuchh nahin

ye dagh, sail-e-girya jise dho nahin raha

ab bhi hai ranj, ranj bhi KHasa shadid hai

wo dil ko chirta hua gham go nahin raha

aabaad mujh mein tere siwa aur kaun hai?

tujh se bichhaD raha hun tujhe kho nahin raha

kya be-hisi ka daur hai logo ki ab KHayal

apne siwa kisi ka kisi ko nahin raha