ek kiran mehr ki zulmat pe bhaari hogi

ik kiran mehr kī zulmāt pe bhārī hogī

raat un kī hai magar sub.h hamārī hogī

ham-safīrān-e-chaman mil ke pukāreñ to zarā

yahīñ ḳhvābīda kahīñ bād-e-bahārī hogī

is taraf bhī koī ḳhushbū se mahaktā jhoñkā

ai sabā tū ne to vo zulf sañvārī hogī

ye jo miltī hai tire ġham se ġham-e-dahr kī shakl

dil ne tasvīr se tasvīr utārī hogī

bū-e-gul aatī hai miTTī se chaman kī jab tak

ham pe dahshat na ḳhizāñ kī kabhī taarī hogī

ek kiran mehr ki zulmat pe bhaari hogi

raat un ki hai magar subh hamari hogi

ham-safiran-e-chaman mil ke pukaren to zara

yahin KHwabida kahin baad-e-bahaari hogi

is taraf bhi koi KHushbu se mahakta jhonka

ai saba tu ne to wo zulf sanwari hogi

ye jo milti hai tere gham se gham-e-dahr ki shakl

dil ne taswir se taswir utari hogi

bu-e-gul aati hai miTTi se chaman ki jab tak

hum pe dahshat na KHizan ki kabhi tari hogi