ek mehwar-e-jamal hue ja rahe hain hum

ik mehvar-e-jamāl hue jā rahe haiñ ham

kyā paikār-e-ḳhayāl hue jā rahe haiñ ham

hāsil hue jo ḳhud ko zarā vaqt ke liye

apne ko bhī muhāl hue jā rahe haiñ ham

karne chale the ham tirī duniyā se ik savāl

duniyā pe ik savāl hue jā rahe haiñ ham

har samt se zavāl ne gherā hai ab hameñ

is tarh lā-zavāl hue jā rahe haiñ ham

mahfil ye chāhtī hai ki 'jānī' na aa.eñ ab

mahfil ke ham-ḳhayāl hue jā rahe haiñ ham

ek mehwar-e-jamal hue ja rahe hain hum

kya paikar-e-KHayal hue ja rahe hain hum

hasil hue jo KHud ko zara waqt ke liye

apne ko bhi muhaal hue ja rahe hain hum

karne chale the hum teri duniya se ek sawal

duniya pe ek sawal hue ja rahe hain hum

har samt se zawal ne ghera hai ab hamein

is tarh la-zawal hue ja rahe hain hum

mahfil ye chahti hai ki 'jaani' na aaen ab

mahfil ke ham-KHayal hue ja rahe hain hum