ek nur tha ki pichhle pahar ham-safar hua
ik nuur thā ki pichhle pahar ham-safar huā
mujh ko qabā kā chaak hī chāk-e-sahar huā
sailāb umañD ke shahar kī galiyoñ meñ aa ga.e
lekin ġharīb-e-shahr kā dāman na tar huā
zindān-e-ārzū meñ nazar be-basar rahī
dīvār dar huī to kiran kā guzar huā
vo āñdhiyāñ chalī haiñ ki ashjār ukhaḌ ga.e
dukkān-e-shīshagar pe na phir bhī asar huā
ab kaun dekhtā phire kyuuñ bām-o-dar jale
jo kuchh huā hai fasl-e-chaman se udhar huā
ek nur tha ki pichhle pahar ham-safar hua
mujh ko qaba ka chaak hi chaak-e-sahar hua
sailab umanD ke shahar ki galiyon mein aa gae
lekin gharib-e-shahr ka daman na tar hua
zindan-e-arzu mein nazar be-basar rahi
diwar dar hui to kiran ka guzar hua
wo aandhiyan chali hain ki ashjar ukhaD gae
dukkan-e-shishagar pe na phir bhi asar hua
ab kaun dekhta phire kyun baam-o-dar jale
jo kuchh hua hai fasl-e-chaman se udhar hua
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
