ek pal ki dauD dhup mein aisa thaka badan

Prem Kumar Nazar

ek pal ki dauD dhup mein aisa thaka badan

Prem Kumar Nazar

MORE BYPrem Kumar Nazar

    ik pal dauḌ dhuup meñ aisā thakā badan

    maiñ ḳhud to jāgtā huuñ magar so gayā badan

    bachcha bhī dekh le to humak kar lapak paḌe

    aisī ek chiiz hai vo dūdhiyā badan

    chāhtā hai haath lagā kar bhī dekh leñ

    us badan qabā hai ki us qabā badan

    jab se chalā hai tañg qamīsoñ ye rivāj

    nā-āshnā badan bhī lage āshnā badan

    gañgā ke pāniyoñ pavitra kaheñ jise

    āñkhoñ ke taT pe tairtā hai jo gayā badan

    bistar pe tere mere sivā aur kaun hai

    mahsūs ho rahā hai koī tīsrā badan

    dhartī ne mausamoñ asar kar liyā qubūl

    rut phir ga.ī to ho gayā us harā badan

    is ko kahāñ kahāñ se rafū kījiye 'nazar'

    behtar yahī hai oḌhiye ab dūsrā badan

    ek pal ki dauD dhup mein aisa thaka badan

    main KHud to jagta hun magar so gaya badan

    bachcha bhi dekh le to humak kar lapak paDe

    aisi hi ek chiz hai wo dudhiya badan

    ji chahta hai hath laga kar bhi dekh len

    us ka badan qaba hai ki us ki qaba badan

    jab se chala hai tang qamison ka ye riwaj

    na-ashna badan bhi lage aashna badan

    ganga ke paniyon sa pawitra kahen jise

    aankhon ke taT pe tairta hai jo gaya badan

    bistar pe tere mere siwa aur kaun hai

    mahsus ho raha hai koi tisra badan

    dharti ne mausamon ka asar kar liya qubul

    rut phir gai to ho gaya us ka hara badan

    is ko kahan kahan se rafu kijiye 'nazar'

    behtar yahi hai oDhiye ab dusra badan

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY