ek pari ke sath maujon par Tahalta raat ko

ik parī ke saath maujoñ par Tahaltā raat ko

ab bhī ye qudrat kahāñ hai aadmī kī zaat ko

jin kā saarā jism hotā hai hamārī hī tarah

phuul kuchh aise bhī khilte haiñ hamesha raat ko

ek ik kar ke sabhī kapḌe badan se gir chuke

sub.h phir ham ye kafan pahnā.eñge jazbāt ko

pīchhe pīchhe raat thī tāroñ kā ik lashkar liye

rail kī paTrī pe sūraj chal rahā thā raat ko

aab o ḳhaak o baad meñ bhī lahar vo aa jaa.e hai

surḳh kar detī hai dam bhar meñ jo piilī dhaat ko

sub.h bistar band hai jis meñ lipaT jaate haiñ ham

ik safar ke ba.ad phir khulte haiñ aadhī raat ko

sar pe sūraj ke hamāre pyaar kā saaya rahe

māmtā kā jism māñge zindagī kī baat ko

ek pari ke sath maujon par Tahalta raat ko

ab bhi ye qudrat kahan hai aadmi ki zat ko

jin ka sara jism hota hai hamari hi tarah

phul kuchh aise bhi khilte hain hamesha raat ko

ek ek kar ke sabhi kapDe badan se gir chuke

subh phir hum ye kafan pahnaenge jazbaat ko

pichhe pichhe raat thi taron ka ek lashkar liye

rail ki paTri pe suraj chal raha tha raat ko

aab o KHak o baad mein bhi lahar wo aa jae hai

surKH kar deti hai dam bhar mein jo pili dhat ko

subh bistar band hai jis mein lipaT jate hain hum

ek safar ke baad phir khulte hain aadhi raat ko

sar pe suraj ke hamare pyar ka saya rahe

mamta ka jism mange zindagi ki baat ko