ik parinda shāḳh par baiThā huā
hasratoñ se āsmāñ taktā huā
ik sadī kī dāstāñ kahtā huā
ik shajar dālān meñ sūkhā huā
ik zamīñ pairoñ talak simTī huī
ik samundar duur tak phailā huā
ik kahānī phir janam letī huī
ik fasāna dafn phir hotā huā
ik kiran aflāk se aatī huī
ik añdherā chāñd par baiThā huā
ik zamīñ do buuñd ko tarsī huī
ik nagar sailāb meñ Duubā huā
ek kashtī ġharq-e-ḳhūñ hotī huī
ik masīhā chhoḌ kar jaatā huā
ek chiḌiyā chahchaheñ kartī huī
ik shikārī taaq meñ baiThā huā
ik gilahrī peḌ par chaḌhtī huī
ik musavvir soch meñ Duubā huā
ik Dagar sū-e-falak jaatī huī
ik sitāra baam par utrā huā
ik ġhazal phir dastakeñ detī huī
ik tasavvur phir badan letā huā
ek parinda shaKH par baiTha hua
hasraton se aasman takta hua
ek sadi ki dastan kahta hua
ek shajar dalan mein sukha hua
ek zamin pairon talak simTi hui
ek samundar dur tak phaila hua
ek kahani phir janam leti hui
ek fasana dafn phir hota hua
ek kiran aflak se aati hui
ek andhera chand par baiTha hua
ek zamin do bund ko tarsi hui
ek nagar sailab mein Duba hua
ek kashti gharq-e-KHun hoti hui
ek masiha chhoD kar jata hua
ek chiDiya chahchahen karti hui
ek shikari taq mein baiTha hua
ek gilahri peD par chaDhti hui
ek musawwir soch mein Duba hua
ek Dagar su-e-falak jati hui
ek sitara baam par utra hua
ek ghazal phir dastaken deti hui
ek tasawwur phir badan leta hua
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
