ek qissa-e-tawil hai afsana dasht ka

ik qissa-e-tavīl hai afsāna dasht kā

āḳhir kahīñ to ḳhatm ho vīrāna dasht kā

mujh ko bhī ġharq bahr-e-tamāsha meñ kar diyā

ab had se baḌhtā jaatā hai dīvāna dasht kā

tāvīz-e-āb ke sivā chāra nahīñ koī

āseb-e-tishnagī se hai yārāna dasht kā

tū ne shikast khaa.ī mahāz-e-qayām par

ab sikka-e-safar meñ de harjāna dasht kā

hotā nahīñ jo ḳhālī kabhī jām-e-āftāb

din bhar hī garm rahtā hai mai-ḳhāna dasht kā

ab zulmatoñ kā ḳhauf nahīñ ḳhāk-e-shahr kī

raushan hai sham-e-reg se kāshāna dasht kā

ādāb-e-munsifī se maiñ vāqif nahīñ 'hasan'

shahr-e-ḳhatā meñ kartā huuñ jurmāna dasht kā

ek qissa-e-tawil hai afsana dasht ka

aaKHir kahin to KHatm ho virana dasht ka

mujh ko bhi gharq bahr-e-tamasha mein kar diya

ab had se baDhta jata hai diwana dasht ka

tawiz-e-ab ke siwa chaara nahin koi

aaseb-e-tishnagi se hai yarana dasht ka

tu ne shikast khai mahaz-e-qayam par

ab sikka-e-safar mein de harjaana dasht ka

hota nahin jo KHali kabhi jam-e-aftab

din bhar hi garm rahta hai mai-KHana dasht ka

ab zulmaton ka KHauf nahin KHak-e-shahr ki

raushan hai sham-e-reg se kashana dasht ka

aadab-e-munsifi se main waqif nahin 'hasan'

shahr-e-KHata mein karta hun jurmana dasht ka