ek raat baKHt sun main rindan ka sat paya

ik raat baḳht suuñ maiñ rindāñ kā saat paayā

irfāñ ke mulk-e-dīñ par haq suuñ barāt paayā

man-arafa-nafsahu kā añjan lagā ko dekhā

har chiiz zāt-e-haq bin maiñ be-sabāt paayā

yū nafs-e-dūñ havā suuñ pakḌe liyā thā merī

murshid kī kafash uThā.īñ us suuñ najāt paayā

yū qaul o fe.al merā mujh iḳhtiyār suuñ niiñ

hat panj maat kī maiñ aapas kī zaat paayā

taslīm kar apas kuuñ us kī razā ke uupar

mahbūb kā apas par nit iltifāt paayā

jā but-kade meñ dekhā chashm-e-yagāñgī suuñ

haq bin nahīñ disyā gar uzzā-o-lāt paayā

ism-o-sifat kā jalva ism-o-sifat meñ dekhā

har zaat kuuñ ḳhudā kī maiñ ain-e-zāt paayā

qatra hai ain-e-dariyā dariyā hai ain-e-qatra

bhī donoñ ġhair hī haiñ nādir yū baat paayā

har shai hai ain-e-har-shai bhī shai hai ġhair-e-har-shai

murshid ke lutf suuñ maiñ kyā ḳhuub baat paayā

mahtāb-e-ilm sulgā gul-rez ma.arifat ke

kar jahal ko havā.ī ḳhush shabbarāt paayā

ruuñ ruuñ zabāñ karūñ to us kī sanā na sar sī

'qurbī' karam suuñ haq kī kyā ḳhush-nikāt paayā

ek raat baKHt sun main rindan ka sat paya

irfan ke mulk-e-din par haq sun baraat paya

man-arafa-nafsahu ka anjan laga ko dekha

har chiz zat-e-haq bin main be-sabaat paya

yu nafs-e-dun hawa sun pakDe liya tha meri

murshid ki kafash uThain us sun najat paya

yu qaul o feal mera mujh iKHtiyar sun nin

hat panj mat ki main aapas ki zat paya

taslim kar apas kun us ki raza ke upar

mahbub ka apas par nit iltifat paya

ja but-kade mein dekha chashm-e-yagangi sun

haq bin nahin disya gar uzza-o-lat paya

ism-o-sifat ka jalwa ism-o-sifat mein dekha

har zat kun KHuda ki main ain-e-zat paya

qatra hai ain-e-dariya dariya hai ain-e-qatra

bhi donon ghair hi hain nadir yu baat paya

har shai hai ain-e-har-shai bhi shai hai ghair-e-har-shai

murshid ke lutf sun main kya KHub baat paya

mahtab-e-ilm sulga gul-rez marifat ke

kar jahal ko hawai KHush shabbaraat paya

run run zaban karun to us ki sana na sar si

'qurbi' karam sun haq ki kya KHush-nikat paya