ek ret ka bagula mujhko uchak raha tha

ik ret kā bagūla mujh ko uchak rahā thā

ḳhud apnī justujū thī so maiñ bhaTak rahā thā

kamre meñ ik udāsī kaisī mahak rahī thī

āñkhoñ se ek aañsū kaisā chhalak rahā thā

ye bār-e-jism āḳhir maiñ ne uThā liyā hai

a.azā chaTaḳh rahe the aur maiñ bhī thak rahā thā

mujh meñ kisī kī sūrat kyā gul khilā rahī thī

bāhar se hañs rahā thā andar sisak rahā thā

ye merī ḳhāmushī bhī le jā.egī kahāñ tak

maiñ aaj sirf us kī āvāz tak rahā thā

ek ret ka bagula mujh ko uchak raha tha

KHud apni justuju thi so main bhaTak raha tha

kamre mein ek udasi kaisi mahak rahi thi

aankhon se ek aansu kaisa chhalak raha tha

ye bar-e-jism aaKHir main ne uTha liya hai

aaza chaTaKH rahe the aur main bhi thak raha tha

mujh mein kisi ki surat kya gul khila rahi thi

bahar se hans raha tha andar sisak raha tha

ye meri KHamushi bhi le jaegi kahan tak

main aaj sirf us ki aawaz tak raha tha