ek sharar-e-girafta-rang hun main

ik sharār-e-girafta-rañg huuñ maiñ

phuul se le ke tā-ba-sañg huuñ maiñ

bād-e-sarsar kī tarah garm-e-ināñ

sīna-e-reg kī umañg huuñ maiñ

zarre zarre ne kar diyā hairāñ

aur hairāniyoñ pe dañg huuñ maiñ

fat.h bhī ik shikast hī hogī

ārzūoñ se mahv-e-jañg huuñ maiñ

kaise tujh ko bahā ke le jā.ūñ

mauj-e-ham-sāya-e-nihañg huuñ maiñ

shahar-o-sahrā kī kuchh nahīñ taḳhsīs

vus.at-e-dasht-e-jāñ se tañg huuñ maiñ

kis ne dekhā fishār-e-mauja-e-jāñ

aaj tak āb-e-zer-e-sañg huuñ maiñ

ek sharar-e-girafta-rang hun main

phul se le ke ta-ba-sang hun main

baad-e-sarsar ki tarah garm-e-inan

sina-e-reg ki umang hun main

zarre zarre ne kar diya hairan

aur hairaniyon pe dang hun main

fath bhi ek shikast hi hogi

aarzuon se mahw-e-jang hun main

kaise tujh ko baha ke le jaun

mauj-e-ham-saya-e-nihang hun main

shahar-o-sahra ki kuchh nahin taKHsis

wusat-e-dasht-e-jaan se tang hun main

kis ne dekha fishaar-e-mauja-e-jaan

aaj tak aab-e-zer-e-sang hun main