ek sitara jo aasman mein hai
ik sitāra jo āsmān meñ hai
terī sochoñ ke darmiyān meñ hai
maañ ke qadmoñ meñ jo sukūñ hai miyāñ
vo zamīñ par na āsmān meñ hai
lafz kaḌve haiñ tere lahje ke
zahr kitnā tirī zabān meñ hai
merā kirdār vo nahīñ lekin
zikr merā bhī dāstān meñ hai
tū azal se mirī mohabbat hai
to abad tak mire dhiyān meñ hai
dekh patthar se ab bhī ristā hai
jaane kis kā lahū chaTān meñ hai
tere jaane ke baa'd se ab tak
ik udāsī mire makān meñ hai
aur bhī haiñ bahut hasīñ 'ansar'
dil-e-ḳhush-fahm kis gumān meñ hai
ek sitara jo aasman mein hai
teri sochon ke darmiyan mein hai
man ke qadmon mein jo sukun hai miyan
wo zamin par na aasman mein hai
lafz kaDwe hain tere lahje ke
zahr kitna teri zaban mein hai
mera kirdar wo nahin lekin
zikr mera bhi dastan mein hai
tu azal se meri mohabbat hai
to abad tak mere dhiyan mein hai
dekh patthar se ab bhi rista hai
jaane kis ka lahu chaTan mein hai
tere jaane ke ba'd se ab tak
ek udasi mere makan mein hai
aur bhi hain bahut hasin 'ansar'
dil-e-KHush-fahm kis guman mein hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
