ek tahi-dast se kya kya tan-e-fani mange

ik tahī-dast se kyā kyā tan-e-fānī māñge

sāya-e-zīst meñ hai naql-e-makānī māñge

paikar-e-nāz se dil īzā-rasānī māñge

aql hairān hai ye kaisī girānī māñge

aarzū merī abhī misr ke bāzār meñ hai

ye zuleḳhā na kahīñ yūsuf-e-sānī māñge

aur kuchh mujh ko dikhā.ī na paḌe aisā nahīñ

haañ mirī aañkh faqat jalva-e-jānī māñge

āsmāñ surḳh huā garm nadī sūkhī huī

tishna mausam hai mire jism se paanī māñge

'badr' āsāñ nahīñ shā.ir kā ġhazal-ḳhvāñ honā

ye nahīñ jaadū magar jādū-bayānī māñge

ek tahi-dast se kya kya tan-e-fani mange

saya-e-zist mein hai naql-e-makani mange

paikar-e-naz se dil iza-rasani mange

aql hairan hai ye kaisi girani mange

aarzu meri abhi misr ke bazar mein hai

ye zuleKHa na kahin yusuf-e-sani mange

aur kuchh mujh ko dikhai na paDe aisa nahin

han meri aankh faqat jalwa-e-jaani mange

aasman surKH hua garm nadi sukhi hui

tishna mausam hai mere jism se pani mange

'badr' aasan nahin shair ka ghazal-KHwan hona

ye nahin jadu magar jadu-bayani mange