ek taraf pyar to ek samt ana rakkhi hai

ik taraf pyaar to ik samt anā rakkhī hai

husn vāloñ ne 'hasan' kaisī sazā rakkhī hai

us kī yādoñ ke gulistāñ ko harā rakhnā hai

ik nadī aañkh se ashkoñ kī bahā rakkhī hai

raushnī terī bhī vaq.at hai hamāre dam se

ham añdheroñ ne tirī shaan baḌhā rakkhī hai

mujh ko hai ilm tū rātoñ meñ kahāñ jaatā hai

āj-kal maiñ ne sitāroñ se banā rakkhī hai

ḳhūn-e-sādāt ne miTTī ko fazīlat baḳhshī

ḳhaak meñ bhī mire maulā ne shifā rakkhī hai

us kī ḳhvāhish hai añdheroñ meñ bhaTaktā hī rahūñ

maiñ diyā laayā huuñ aur us ne havā rakkhī hai

itnā qātil bhī nahīñ husn tirā hosh meñ rah

in chhichhoroñ ne to be-par kī uḌā rakkhī hai

vasl ke lamhoñ ko mahsūr kiyā hai sāhab

maiñ ne is baar ghaḌī pīchhe ghumā rakkhī hai

ḳhud maze se maiñ tumheñ soch rahā huuñ hamdam

aur bistar pe faqat niiñd sulā rakkhī hai

ek taraf pyar to ek samt ana rakkhi hai

husn walon ne 'hasan' kaisi saza rakkhi hai

us ki yaadon ke gulistan ko hara rakhna hai

ek nadi aankh se ashkon ki baha rakkhi hai

raushni teri bhi waqat hai hamare dam se

hum andheron ne teri shan baDha rakkhi hai

mujh ko hai ilm tu raaton mein kahan jata hai

aaj-kal main ne sitaron se bana rakkhi hai

KHun-e-sadat ne miTTi ko fazilat baKHshi

KHak mein bhi mere maula ne shifa rakkhi hai

us ki KHwahish hai andheron mein bhaTakta hi rahun

main diya laya hun aur us ne hawa rakkhi hai

itna qatil bhi nahin husn tera hosh mein rah

in chhichhoron ne to be-par ki uDa rakkhi hai

wasl ke lamhon ko mahsur kiya hai sahab

main ne is bar ghaDi pichhe ghuma rakkhi hai

KHud maze se main tumhein soch raha hun hamdam

aur bistar pe faqat nind sula rakkhi hai