ek Tis ba-mushkil tham tham kar ashkon ki zaban tak pahunchi hai

ik Tiis ba-mushkil tham tham kar ashkoñ kī zabāñ tak pahuñchī hai

ma.alūm nahīñ barbādī-e-dil pahuñchī to kahāñ tak pahuñchī hai

be-tābī-e-ġham baḌhte baḌhte kyā zaḳhm-e-nihāñ tak pahuñchī hai

har dard nazar meñ ubhrā hai har saañs fuġhāñ tak pahuñchī hai

kitne to fareb-e-manzil meñ ehsās-e-talab tak kho baiThe

hālāñki abhī duniyā-e-nazar manzil ke nishāñ tak pahuñchī hai

kyā chāra-e-dard-e-mahrūmī aane ko hazār aa jaa.e hañsī

ye choT zarā sī choT sahī phir bhī dil-o-jāñ tak pahuñchī hai

hālāt se kuchh haT kar bhī kabhī hālāt samajhne paḌte haiñ

lekin ye matā.a-e-dūr-rasī kuchh dīda-varāñ tak pahuñchī hai

kitne hī ġhamoñ ko duniyā ne de dī hai zabāñ afsānoñ kī

barbādī-e-ahl-e-dil lekin kab sharh-o-bayāñ tak pahuñchī hai

ab tak hai fuġhān-e-nīm-shabī mahrūm-e-asar to rahne do

kyā kam hai yahī āvāz-e-shikast-e-dil to vahāñ tak pahuñchī hai

mumkin hai ki 'shauq' ab vo ḳhud bhī taskīn-e-tamannā de na sakeñ

parde meñ hañsī ke poshīda fariyād yahāñ tak pahuñchī he

ek Tis ba-mushkil tham tham kar ashkon ki zaban tak pahunchi hai

malum nahin barbaadi-e-dil pahunchi to kahan tak pahunchi hai

be-tabi-e-gham baDhte baDhte kya zaKHm-e-nihan tak pahunchi hai

har dard nazar mein ubhra hai har sans fughan tak pahunchi hai

kitne to fareb-e-manzil mein ehsas-e-talab tak kho baiThe

haalanki abhi duniya-e-nazar manzil ke nishan tak pahunchi hai

kya chaara-e-dard-e-mahrumi aane ko hazar aa jae hansi

ye choT zara si choT sahi phir bhi dil-o-jaan tak pahunchi hai

haalat se kuchh haT kar bhi kabhi haalat samajhne paDte hain

lekin ye mataa-e-dur-rasi kuchh dida-waran tak pahunchi hai

kitne hi ghamon ko duniya ne de di hai zaban afsanon ki

barbaadi-e-ahl-e-dil lekin kab sharh-o-bayan tak pahunchi hai

ab tak hai fughan-e-nim-shabi mahrum-e-asar to rahne do

kya kam hai yahi aawaz-e-shikast-e-dil to wahan tak pahunchi hai

mumkin hai ki 'shauq' ab wo KHud bhi taskin-e-tamanna de na saken

parde mein hansi ke poshida fariyaad yahan tak pahunchi he