ek tera ishq mujhko kafi hai

ik tirā 'ishq mujh ko kaafī hai

aur jo kuchh bhī hai izāfī hai

tujh se dil be-ḳhabar nahīñ rahtā

ye tire husn kā sahāfī hai

'ishq ko māntā hai dil lekin

'aql kā note iḳhtilāfī hai

'ishq merā zamāne vāloñ kī

istilāhāt ke munāfī hai

maiñ huā murtakib mohabbat kā

jurm nā-qābil-e-mu’āfī hai

kho gayā dil bhī yaar bhī na milā

ashk-e-ġhaltāñ zar-e-talāfī hai

maraz-e-'ishq hī nahīñ varna

ibn-e-mariyam kā dast shāfī hai

nuur hai dil kī raushnā.ī kā

ye jo rangīnī-e-qavāfī hai

ek tera 'ishq mujh ko kafi hai

aur jo kuchh bhi hai izafi hai

tujh se dil be-KHabar nahin rahta

ye tere husn ka sahafi hai

'ishq ko manta hai dil lekin

'aql ka note iKHtilafi hai

'ishq mera zamane walon ki

istilahat ke munafi hai

main hua murtakib mohabbat ka

jurm na-qabil-e-mu’afi hai

kho gaya dil bhi yar bhi na mila

ashk-e-ghaltan zar-e-talafi hai

maraz-e-'ishq hi nahin warna

ibn-e-mariyam ka dast shafi hai

nur hai dil ki raushnai ka

ye jo rangini-e-qawafi hai