ek tere sath wafa karne ki tayyari mein

ik tire saath vafā karne kī tayyārī meñ

din guzarte rahe auroñ kī vafādārī meñ

mere hone pe hai ehsās-e-ḳhudā kī buniyād

ḳhaak kā honā zarūrī hai shajar-kārī meñ

shāḳh se shāḳh lipaTtī hai havā chalne par

sar pe chhat aam nazar aatī nahīñ yaarī meñ

kahīñ aisā na ho bulbul kī nazar bhī paḌ jaa.e

phuul ne phuul ko dekhā nahīñ hushyārī meñ

kun haTā aur faya-kun kā koī matlab na rahā

ye anā hotī hai fankār kī fankārī meñ

tujh ko tartīb lagāte hue is dhyān meñ huuñ

kaun sā dukh hai jo rakkhā nahīñ almārī meñ

ek tere sath wafa karne ki tayyari mein

din guzarte rahe auron ki wafadari mein

mere hone pe hai ehsas-e-KHuda ki buniyaad

KHak ka hona zaruri hai shajar-kari mein

shaKH se shaKH lipaTti hai hawa chalne par

sar pe chhat aam nazar aati nahin yari mein

kahin aisa na ho bulbul ki nazar bhi paD jae

phul ne phul ko dekha nahin hushyari mein

kun haTa aur faya-kun ka koi matlab na raha

ye ana hoti hai fankar ki fankari mein

tujh ko tartib lagate hue is dhyan mein hun

kaun sa dukh hai jo rakkha nahin almari mein