ek turfa tamasha sar-e-bazar banega
ik turfa tamāsha sar-e-bāzār banegā
jo shaḳhs bhī ā.īna-e-kirdār banegā
ye baat bhī tai ho ga.ī dahshat-zadagāñ meñ
jo sañg-ba-dast aa.egā sardār banegā
rañgoñ se na rakhiye kisī sūrat kī tavaqqo
vo ḳhuun kā qatra hai jo shahkār banegā
maiñ us ke panapne kī duā maañg rahā huuñ
bachche ke ye tevar haiñ ki fankār banegā
phir laḳht-e-jigar ko.elā le aayā kahīñ se
ab dekhiye kyā kyā sar-e-dīvār banegā
yaksūī se jab us kī taraf dekhoge 'ash.ar'
kuchh der meñ mahtāb ruḳh-e-yār banegā
ek turfa tamasha sar-e-bazar banega
jo shaKHs bhi aaina-e-kirdar banega
ye baat bhi tai ho gai dahshat-zadagan mein
jo sang-ba-dast aaega sardar banega
rangon se na rakhiye kisi surat ki tawaqqo
wo KHun ka qatra hai jo shahkar banega
main us ke panapne ki dua mang raha hun
bachche ke ye tewar hain ki fankar banega
phir laKHt-e-jigar koela le aaya kahin se
ab dekhiye kya kya sar-e-diwar banega
yaksui se jab us ki taraf dekhoge 'ashar'
kuchh der mein mahtab ruKH-e-yar banega
- Book : Pakistani Adab (Pg. 618)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
