ek wo ki apni zid pe barabar aDe rahe

ik vo ki apnī zid pe barābar aḌe rahe

ik ham ki intizār meñ pahroñ khaḌe rahe

dariyā-e-ishq kar liyā hotā ubuur maiñ

lekin mire nasīb meñ kachche ghaḌe rahe

jitne the kam-nigāh vo jalvoñ meñ kho ga.e

ahl-e-nazar kī aañkh pe parde paḌe rahe

ik shor jī huzūrī kā rahtā thā ās-pās

jab tak mire libās meñ hiire jaḌe rahe

hairat ki jin ko DhūñDe hai dariyā idhar udhar

dar par mire 'farāz' vo pyāse khaḌe rahe

ek wo ki apni zid pe barabar aDe rahe

ek hum ki intizar mein pahron khaDe rahe

dariya-e-ishq kar liya hota ubur main

lekin mere nasib mein kachche ghaDe rahe

jitne the kam-nigah wo jalwon mein kho gae

ahl-e-nazar ki aankh pe parde paDe rahe

ek shor ji huzuri ka rahta tha aas-pas

jab tak mere libas mein hire jaDe rahe

hairat ki jin ko DhunDe hai dariya idhar udhar

dar par mere 'faraaz' wo pyase khaDe rahe