ek yaad so rahe ko uThati hai aaj bhi

ik yaad so rahe ko uThātī hai aaj bhī

ḳhud jāgtī hai mujh ko jagātī hai aaj bhī

ye kaisī mutriba hai jo chhup kar jahān se

dhīme suroñ meñ raat ko gaatī hai aaj bhī

sadiyāñ guzar ga.iiñ jise Duube hue yahāñ

us ko sadā-e-shauq bulātī hai aaj bhī

jis shahr-e-ārzū ke nishānāt miT ga.e

dil kī nigāh phir vahīñ jaatī hai aaj bhī

hoñToñ pe baar baar zabāñ phertā thā jo

us qāfile kī pyaas rulātī hai aaj bhī

parbat kī choTiyoñ pe vo rotī huī ghaTā

kis hādse pe niir bahātī hai aaj bhī

bas ek hī balā hai mohabbat kaheñ jise

vo pāniyoñ meñ aag lagātī hai aaj bhī

har roz aa ke ḳhvāb meñ pāzeb kī sadā

dhaḌkan hamāre dil kī baḌhātī hai aaj bhī

'hasrat' koī to kho gayā umr-e-azīz kā

jo nañge paañv dauḌtī jaatī hai aaj bhī

ek yaad so rahe ko uThati hai aaj bhi

KHud jagti hai mujh ko jagati hai aaj bhi

ye kaisi mutriba hai jo chhup kar jahan se

dhime suron mein raat ko gati hai aaj bhi

sadiyan guzar gain jise Dube hue yahan

us ko sada-e-shauq bulati hai aaj bhi

jis shahr-e-arzu ke nishanat miT gae

dil ki nigah phir wahin jati hai aaj bhi

honTon pe bar bar zaban pherta tha jo

us qafile ki pyas rulati hai aaj bhi

parbat ki choTiyon pe wo roti hui ghaTa

kis hadse pe nir bahati hai aaj bhi

bas ek hi bala hai mohabbat kahen jise

wo paniyon mein aag lagati hai aaj bhi

har roz aa ke KHwab mein pazeb ki sada

dhaDkan hamare dil ki baDhati hai aaj bhi

'hasrat' koi to kho gaya umr-e-aziz ka

jo nange panw dauDti jati hai aaj bhi