ek zaKHm bhi yaran-e-bismil nahin aane ka

ik zaḳhm bhī yārān-e-bismil nahīñ aane kā

maqtal meñ paḌe rahiye qātil nahīñ aane kā

ab kuuch karo yaaro sahrā se ki sunte haiñ

sahrā meñ ab ā.inda mahmil nahīñ aane kā

vaa.iz ko ḳharābe meñ ik dāvat-e-haq dī thī

maiñ jaan rahā thā vo jāhil nahīñ aane kā

buniyād-e-jahāñ pahle jo thī vahī ab bhī hai

yuuñ hashr to yārān-e-yak-dil nahīñ aane kā

but hai ki ḳhudā hai vo maanā hai na mānūñgā

us shoḳh se jab tak maiñ ḳhud mil nahīñ aane kā

gar dil kī ye mahfil hai ḳharcha bhī ho phir dil kā

bāhar se to sāmān-e-mahfil nahīñ aane kā

vo naaf pyāle se sarmast kare varna

ho ke maiñ kabhī us kā qaa.il nahīñ aane kā

ek zaKHm bhi yaran-e-bismil nahin aane ka

maqtal mein paDe rahiye qatil nahin aane ka

ab kuch karo yaro sahra se ki sunte hain

sahra mein ab aainda mahmil nahin aane ka

waiz ko KHarabe mein ek dawat-e-haq di thi

main jaan raha tha wo jahil nahin aane ka

buniyaad-e-jahan pahle jo thi wahi ab bhi hai

yun hashr to yaran-e-yak-dil nahin aane ka

but hai ki KHuda hai wo mana hai na manunga

us shoKH se jab tak main KHud mil nahin aane ka

gar dil ki ye mahfil hai KHarcha bhi ho phir dil ka

bahar se to saman-e-mahfil nahin aane ka

wo naf pyale se sarmast kare warna

ho ke main kabhi us ka qail nahin aane ka