ilm mein jhengar se baDh kar kaamran koi nahin

ilm meñ jheñgar se baḌh kar kāmrāñ koī nahīñ

chaaT jaatā hai kitābeñ imtihāñ koī nahīñ

zulm hai bā-vasf mehr is ko kaheñ nā-mehrbāñ

āsmāñ se baḌh ke sachchā mehrbāñ koī nahīñ

lucknow dillī inhīñ shahroñ pe kyā mauqūf hai

har jagah ahl-e-zabāñ haiñ be-zabāñ koī nahīñ

hai masal mash.hūr dast-e-ḳhud-dahān-e-ḳhud 'zarīf'

hoTaloñ meñ mehmān-o-mezbāñ koī nahīñ

ilm mein jhengar se baDh kar kaamran koi nahin

chaT jata hai kitaben imtihan koi nahin

zulm hai ba-wasf mehr is ko kahen na-mehrban

aasman se baDh ke sachcha mehrban koi nahin

lucknow dilli inhin shahron pe kya mauquf hai

har jagah ahl-e-zaban hain be-zaban koi nahin

hai masal mashhur dast-e-KHud-dahan-e-KHud 'zarif'

hoTalon mein mehman-o-mezban koi nahin