ilm-o-hunar se qaum ko raghbat nahin rahi

ilm-o-hunar se qaum ko raġhbat nahīñ rahī

is par shikāyateñ ki fazīlat nahīñ rahī

badlegā kyā nizām kab aa.egā inqilāb

jab naujavāñ lahū meñ harārat nahīñ rahī

mazlūm ko dilā.e jo har zulm se najāt

aisī jahāñ meñ koī adālat nahīñ rahī

sajde meñ jā ke māñgnā be-kār ne.amateñ

kuchh bhī kaho use ye ibādat nahīñ rahī

fatve liye haiñ shaiḳh se pīr-e-muġhāñ ne ḳhaas

piine meñ ab zarā bhī qabāhat nahīñ rahī

masjid kā ruḳh kiyā hai janāb-e-'faroġh' ne

lagtā hai ab gunāh meñ lazzat nahīñ rahī

ilm-o-hunar se qaum ko raghbat nahin rahi

is par shikayaten ki fazilat nahin rahi

badlega kya nizam kab aaega inqilab

jab naujawan lahu mein hararat nahin rahi

mazlum ko dilae jo har zulm se najat

aisi jahan mein koi adalat nahin rahi

sajde mein ja ke mangna be-kar neamaten

kuchh bhi kaho use ye ibaadat nahin rahi

fatwe liye hain shaiKH se pir-e-mughan ne KHas

pine mein ab zara bhi qabahat nahin rahi

masjid ka ruKH kiya hai janab-e-'farogh' ne

lagta hai ab gunah mein lazzat nahin rahi