in apne hathon se saghar mujhe pila to sahi

in apne hāthoñ se sāġhar mujhe pilā to sahī

lagī hai dil meñ jo zālim use bujhā to sahī

banegī kyoñke sarāpā kī is tarah tasvīr

paḌā huā hai jo parda use uThā to sahī

is aa.ine meñ nazar aa.egā ḳhudā tujh ko

duī ke zang ko siine se tū haTā to sahī

qubūliyat jise kahte haiñ dauḌī aa.egī

du'ā ke vāste hāthoñ ko tū uThā to sahī

hilāl koī kahegā to koī phuul mujhe

ġham-e-firāq meñ puurā mujhe ghulā to sahī

na deñ bahisht jo tujh ko 'firāq' se kahnā

ġham-e-husain meñ aañsū koī bahā to sahī

in apne hathon se saghar mujhe pila to sahi

lagi hai dil mein jo zalim use bujha to sahi

banegi kyonke sarapa ki is tarah taswir

paDa hua hai jo parda use uTha to sahi

is aaine mein nazar aaega KHuda tujh ko

dui ke zang ko sine se tu haTa to sahi

qubuliyat jise kahte hain dauDi aaegi

du'a ke waste hathon ko tu uTha to sahi

hilal koi kahega to koi phul mujhe

gham-e-firaq mein pura mujhe ghula to sahi

na den bahisht jo tujh ko 'firaq' se kahna

gham-e-husain mein aansu koi baha to sahi