aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

in aql ke bandon mein aashufta-sari kyun hai

Asad Multani

in aql ke bandon mein aashufta-sari kyun hai

Asad Multani

MORE BYAsad Multani

    in aql ke bandoñ meñ āshufta-sarī kyuuñ hai

    ye tañg-dilī kyuuñ hai ye kam-nazarī kyuuñ hai

    asrār agar samjhe duniyā har ik shai ke

    ḳhud apnī haqīqat se ye be-ḳhabarī kyuuñ hai

    sau jalve haiñ nazroñ se mānind-e-nazar pinhāñ

    dāvā-e-jahāñ-bīnī ai dīda-varī kyuuñ hai

    hal jin amal se hai paikār-o-jadal se hai

    in zinda masā.il par bahs-e-nazarī kyuuñ hai

    to dekh tire dil meñ hai soz-e-talab kitnā

    mat pūchh duāoñ meñ ye be-asarī kyuuñ hai

    ai gul jo bahār aa.ī hai vaqt-e-ḳhud-ārā.ī

    ye rañg-e-junūñ kaisā ye jāma-darī kyuuñ hai

    vaa.iz ko jo aadat hai pechīda-bayānī

    hairāñ hai ki rindoñ har baat kharī kyuuñ hai

    miltā hai use paanī ashkoñ ravānī hai

    ma.alūm huā khetī zaḳhmoñ harī kyuuñ hai

    ulfat ko 'asad' kitnā āsān samajhtā thā

    ab nāla-e-shab kyuuñ hai āh-e-saharī kyuuñ hai

    in aql ke bandon mein aashufta-sari kyun hai

    ye tang-dili kyun hai ye kam-nazari kyun hai

    asrar agar samjhe duniya ki har ek shai ke

    KHud apni haqiqat se ye be-KHabari kyun hai

    sau jalwe hain nazron se manind-e-nazar pinhan

    dawa-e-jahan-bini ai dida-wari kyun hai

    hal jin ka amal se hai paikar-o-jadal se hai

    in zinda masail par bahs-e-nazari kyun hai

    to dekh tere dil mein hai soz-e-talab kitna

    mat puchh duaon mein ye be-asari kyun hai

    ai gul jo bahaar aai hai waqt-e-KHud-arai

    ye rang-e-junun kaisa ye jama-dari kyun hai

    waiz ko jo aadat hai pechida-bayani ki

    hairan hai ki rindon ki har baat khari kyun hai

    milta hai use pani ashkon ki rawani hai

    malum hua kheti zaKHmon ki hari kyun hai

    ulfat ko 'asad' kitna aasan samajhta tha

    ab nala-e-shab kyun hai aah-e-sahari kyun hai

    Source:

    sheerazah (Pg. 22)

    • Author: makhmoor saeedi,Parem Gopal Mittal
      • Edition: 1973
      • Publisher: P -K Publication 3072 Partap stareet gola Market -Daryaganj delhi-6
      • Year of Publication: 1973
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now