in dinon bhi jabki wo taswir ke paikar mein tha

in dinoñ bhī jabki vo tasvīr ke paikar meñ thā

maiñ ka.ī shakloñ meñ har manzar ke pas-manzar meñ thā

thā ġhubār-ālūd vo tab bhī na pahchānā use

ab ke jab dekhā to vo malbūs sīm-o-zar meñ thā

ye khañDar jo dekhte ho thā kabhī ik āsmāñ

itnā ūñchā thā ki saaya bhī na bām-o-dar meñ thā

qatl kā ilzām us ne kah ke ye rad kar diyā

vaqt vo daftar kā thā maiñ us ghaḌī daftar meñ thā

thī vo shohrat kī havas yā ishtihāroñ kā fareb

lāpata chhaptā thā jab aḳhbār meñ vo ghar meñ thā

kyā batā.ūñ dosto ik hashr-sāmāñ kā thā saath

der itnī yuuñ huī maiñ 'arsa-e-mahshar meñ thā

ik darāmā.ī asar laatā thā vo stage par

go shumār us shā.ir-e-pur-fan kā bāzīgar meñ thā

in dinon bhi jabki wo taswir ke paikar mein tha

main kai shaklon mein har manzar ke pas-manzar mein tha

tha ghubar-alud wo tab bhi na pahchana use

ab ke jab dekha to wo malbus sim-o-zar mein tha

ye khanDar jo dekhte ho tha kabhi ek aasman

itna uncha tha ki saya bhi na baam-o-dar mein tha

qatl ka ilzam us ne kah ke ye rad kar diya

waqt wo daftar ka tha main us ghaDi daftar mein tha

thi wo shohrat ki hawas ya ishtihaaron ka fareb

lapata chhapta tha jab aKHbar mein wo ghar mein tha

kya bataun dosto ek hashr-saman ka tha sath

der itni yun hui main 'arsa-e-mahshar mein tha

ek daramai asar lata tha wo stage par

go shumar us shair-e-pur-fan ka bazigar mein tha