in logon mein rahne se hum beghar achchhe the

in logoñ meñ rahne se ham beghar achchhe the

kuchh din pahle tak to sab ke tevar achchhe the

dekh rahā hai jis hairat se pāgal kar degā

ā.īne se Dar lagtā hai patthar achchhe the

nādīda āzār badan ko ġhārat kar degā

zaḳhm jo dil meñ jā utre haiñ bāhar achchhe the

raat sitāroñ vaalī thī aur dhuup bharā thā din

jab tak āñkheñ dekh rahī thiiñ manzar achchhe the

āḳhir kyuuñ ehsān kiyā hai zinda rakhne kā

ham jo mar jaate to banda-parvar achchhe the

āñkheñ bhar aa.ī haiñ 'faisal' Duub ga.e haiñ log

in meñ kuchh zālim the lekin aksar achchhe the

in logon mein rahne se hum beghar achchhe the

kuchh din pahle tak to sab ke tewar achchhe the

dekh raha hai jis hairat se pagal kar dega

aaine se Dar lagta hai patthar achchhe the

nadida aazar badan ko ghaarat kar dega

zaKHm jo dil mein ja utre hain bahar achchhe the

raat sitaron wali thi aur dhup bhara tha din

jab tak aankhen dekh rahi thin manzar achchhe the

aaKHir kyun ehsan kiya hai zinda rakhne ka

hum jo mar jate to banda-parwar achchhe the

aankhen bhar aai hain 'faisal' Dub gae hain log

in mein kuchh zalim the lekin aksar achchhe the