in ujDi bastiyon ka koi to nishan rahe
in ujḌī bastiyoñ kā koī to nishāñ rahe
chūlhe jaleñ ki ghar hī jaleñ par dhuāñ rahe
nero ne bañsrī kī na.ī taan chheḌ dī
ab rome kā nasīb faqat dāstāñ rahe
paanī samundaroñ kā na chhalnī se māpiye
aisā na ho ki saarā kiyā rā.egāñ rahe
mujh ko supurd-e-ḳhāk karo is duā ke saath
āñgan meñ phuul khilte raheñ aur makāñ rahe
kaaTī hai umr raat kī pahnā.iyoñ ke saath
ham shahr-e-be-charāġh meñ ai be-kasāñ rahe
'āzar' har ek gaam pe kaaTā hai sañg-e-jabr
hāthoñ meñ tesha sāmne koh-e-girāñ rahe
in ujDi bastiyon ka koi to nishan rahe
chulhe jalen ki ghar hi jalen par dhuan rahe
nero ne bansri ki nai tan chheD di
ab rome ka nasib faqat dastan rahe
pani samundaron ka na chhalni se mapiye
aisa na ho ki sara kiya raegan rahe
mujh ko supurd-e-KHak karo is dua ke sath
aangan mein phul khilte rahen aur makan rahe
kaTi hai umr raat ki pahnaiyon ke sath
hum shahr-e-be-charagh mein ai be-kasan rahe
'azar' har ek gam pe kaTa hai sang-e-jabr
hathon mein tesha samne koh-e-giran rahe
- Book : Pakistani Adab (Pg. 329)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
